×

Выездная работа в Илимнире

15:00 - 28.5.2020 / 847 просмотров
Выездная работа в Илимнире

Ыам ыйын 27 күнүгэр, Сунтаар улууһун Аҕа баһылыга Анатолий Григорьев, тутуу комплексын управлениетын салайааччыта Иван Егоров, улуус архитектора Николай Степанов уонна тыа хаһаайыстыбатын управлениетын салайааччыта Иван Тихонов Илимниир нэһилиэгэр саҥа тутулла тарар эбийиэктэри уонна бааһыналары көрдүлэр-иһиттилэр.

Нэһилиэк килбэйэр киинигэр саҥа тутулла тарар культурнай спортивнай комплекска «Андраники” тэрилтэ үлэни былаан быһыытынан ыыта турар. Тутууга уопсайа 12 олохтоох нэһилиэнньэ ыччата үлэлиир. Билигин бөҕө тимиртэн каркаһа таҥылла турар. «Переселение из ветхого и аварийного жилья» бырагыраамма чэрчитинэн аҕыс квартиралаах благоустроеннай таас дьиэ тутуллар. Эбийиэккэ ООО «Сунтарэнерго» тэрилтэ тутууну ыытар.

Салгыы «Татыйыына» фирма тэрийиитинэн, саҥа тэриллэн үлэтин саҕалаабыт СХПК «Ил Тосхол» диэн тэрилтэни кытары 120 төбө киирэр аныгы тииптээх хотон тутуллуохтаах сирин көрдүлэр-иһиттилэр. Тутууну бэйэлэрин кыахтарынан саҕалаабыттар, инникитин Бөчүктүүр диэн сиргэ 30 сыл туттуллубакка сыппыт уруккута Бордоҥ сопхуос Илимниирдээҕи салаатын буолатын нүөлсүтэн ыһыы ыһар былааннаахтар.

"Сунтаар улууhа (оройуона)" муниципальнай оройуон дьаһалтатын пресс – сулууспата.

Sakhaday.ru
Подписывайтесь на наш канал в Telegram
Комментарии
Загрузка...