Сунтаар балыыһатыгар саҥа массыына кэллэ
«Биир Ньыгыл Россия» политическай партия линиятынан «Спасибо врачам» – диэн акция тэриллэн региональнай политическай партия Саха Сиринээҕи салаатын сэкиритээрэ Айсен Николаев уонна Дьокуускайдааҕы исполнительнай кэмитиэт сэкиритээрэ Владимир Аммосов өйөөһүннэринэн Саха сиригэр икки саҥа “Патриот” массыына кэлбититтэн, биирэ Сунтаар улууһугар кэллэ. Маҥан халааттаах аанньалларга Аан Дойду үрдүнэн дьаҥ ыарыыта турбут уустук кэмигэр улууспут дьонун–сэргэтин олоҕун араҥаччылыырга сөҕүмэр түбүктээх үлэлэригэр махтанан туран Сунтаардааҕы олохтоох отделение салаатын сэкиритээрэ Анатолий Григорьев киин балыыһа кылаабынай бырааһыгар Светлана Ивановаҕа саҥа массыына күлүүһүн туттарда.
"Сунтаар улууhа (оройуона)" муниципальнай оройуон дьаһалтатын пресс – сулууспата.
