×

Сунтарский район: Климент Егоровка э5эрдэ

14:00 - 28.4.2020 / 183 просмотра
Сунтарский район: Климент Егоровка э5эрдэ

Ытыктабыллаах Климент Егорович!

«Сунтаар улууһа (оройуона)» муниципальнай оройуон дьаһалтатын уонна оройуон Сэбиэтин депутаттарын, улуус дьонун-сэргэтин ааттарыттан, Эйигин СӨ биир Үрдүкү наҕараадатынан М.К. Аммосов аатынан Бириэмийэ иҥэриллибитинэн итиитик-истиҥник эҕэрдэлиибин!

Эн сүрдээх уустук, киэҥ далааһыннаах үлэни дьаһайан, үрдүк профессиональнай таһымҥын, салайар дьоҕургун биир идэлээхтэриҥ, норуотуҥ улаханнык сыаналыыбыт.

Саха Өрүөспүүбүлүкэтэ бөҕө туруктаах буоларыгар уонна сайдарын туһугар үлэлээбит государственнай таһымнаах айымньылаах үлэҥ, норуотуҥ олоҕо тупсарын уонна сайдарын туһугар инникини өтө көрөн, бэриниилээхтик үлэлээн-хамсаан кэлбитиҥ биһи кэккэбитигэр улахан ытыктабылы ылар.

Эн үлэҕэр-хамнаскар дьулууруҥ, общественнай олоххо көхтөөх кирбииҥ, айымньылаах сыһыаныҥ, тобуллаҕас толкуйуҥ, саҥаны-дьиктини айарга дьулууруҥ, түбүктээх үлэҕэр сүрэҕиҥ сылааһын, өйүҥ-санааҥ чыпчаалын биэрэн туран ыыппыт үлэҥ үрдүктүк сыаналанар.

Ытыктабыллаах Климент Егорович, бу үөрүүлээх бэлиэ күҥҥэ баҕарабын кытаанах доруобуйаны, туc олоххор дьолу-соргуну, дьиэ кэргэҥҥэр или-эйэни!

Сунтаар улууһун баһылыга А.В.Григорьев


Sakhaday.ru
Подписывайтесь на наш канал в Telegram
Комментарии
Загрузка...