Тыа хаһаайыстыбатын боппуруостарын торумнаатылар
Атырдьах ыйын 17-18 күннэригэр, Арассыыйа Бэдэрээссийэтин мунньаҕын чилиэнэ, сенатор Александр Акимов, улуус Аҕа баһылыгын экономическай сайдыыга уонна стратегическай былааннааһыҥҥа солбуйааччы Борис Васильев уонна тыа хаһаайыстыбатын салайааччыта Владимир Федоров нэһилиэктэринэн үүнүү буолаларыгар сылдьан тыа хаһаайыстыбатынан дьарыктанар дьону көрүстүлэр.
Кириэстээх уонна Куокуну сирдэригэр үлэ хаамыытын СХПК «Крестях» бэрэсэдээтэлэ Владимир Егоров билиһиннэрдэ, ол курдук барыта 1450га кормовой культура ыһыллыбыт, ону таһынан быйыл 500га сир парданан сытар, билигин «Кыра Табаҕаҕа» подсолнух хомуура бара турар, быйылгы кыстыкка «Улахан Табаҕаҕа» былырыыҥҥыттан от үүнүүтэ өлгөм буолан 1100 туонна рулоннаах от хаһааныллыбыт.
Улууска тыа хаһаайыстыбатын сайыннаран ыаллыы бырамыысылынаһынан дьарыктанар оройуоннарга бэйэ оҥорон таһаарбыт аһын-үөлүн батарар курдук үлэлэһиэхпит диэн Арассыыйа Бэдэрээссийэтин мунньаҕын чилиэнэ, сенатор Александр Акимов тоһоҕолоон бэлиэтээтэ.
"Сунтаар улууһа (оройуона)" муниципальнай оройуон дьаһалтатын пресс-сулууспата.
