×

День России в Сунтарском улусе

17:25 - 12.6.2021
День России в Сунтарском улусе

Бэс ыйын 12 күнүгэр С.А. Зверев – Кыыл Уолун аатынан норуот айымньытын киинигэр Бүтүн Арассыыйа тутулуга суох Государство буолуутун күнүн бэлиэтиир түһүмэх тэрилиннэ. Үөрүүлээх тэрээһиҥҥэ Сунтаар улууһун Аҕа баһылыга Анатолий Григорьев аан тылынан биһиги улууспутугар федеральнай уонна региональнай бырагырааммаларынан, ону сэргэ Национальнай бырайыактарынан утумнаахтык уонна тэтимнээхтик элбэх үлэ барбытын иһитиннэрдэ.

Бүгүҥҥү сүдү суолталаах тэрээһин наҕараадалары туттарыы үөрүүлээх чааһыгар СӨ Ил Дарханын ыйааҕынан Ɵрөспүүбүлүкэ, улуус культуратын сайдыытыгар сүдү кылаатын, өр сыллаах үлэтин иһин «СӨ культуратын үтүөлээх үлэһитэ» Бочуотунай ааты Элгээйитээҕи оҕо искусствотын оскуолатын салайааччытыгар, вокал уонна фортепиано кылааһын уһуйааччытыгар Мария Семеноваҕа иҥэрилиннэ.

Сунтаар улууһун олохтоох бэйэни салайыныы туруктаах буолуутугар уонна сайдыытыгар үрдүк ситиһиилээх, өр сылларга таһаарыылаах үлэтин, социальнай-экономическэй сайдыыга тус кылаатын иһин СӨ муниципальнай сулууспатын бэтэрээнэ Бэлиэни Сунтаар улууһун депутаттарын Сэбиэтин бэрэссэдээтэлин көмөлөһөөччүтүгэр Наталья Яковлеваҕа туттарылынна.

СӨ үөрэҕириитин сайдыытыгар тус кылаатын, өр сыллаах үрдүк таһаарыылаах үлэтин иһин “СӨ учууталлар учууталлара» бэлиэннэн Сунтаар улууһун үөрэҕириитин салалтатын информационнай-методическай отдел кылаабынай специалиһа Маргарита Попова наҕараадаланна.

СӨ, Сунтаар улууһугар почта сибээһин сайдыытыгар тус кылаатын, өр сыллаах бэриниилээх үлэтин иһин Почта России СӨ салаатын махтала СӨ сибээһин үтүөлээх үлэһитигэр, Сунтаар улууһун Бочуоттаах олохтооҕугар Галина Николаеваҕа туттарылынна.

СӨ общественнай хамсааһынын сайыннарыыга, бэтэрээннэри кытта үлэни ыытыыга төһүү күүс буолар таһаарыылаах үлэлэрин учуоттаан туран «СӨ бэтэрээннэрин хамсааһынын сайдыытыгар кылаатын иһин» түөскэ кэтиллэр бэлиэнэн «Сунтаар сонуннара» хаһыат дириэктэрэ Борис Николаев, мелодист, спорт бэтэрээнэ, Сунтаар улууһун бочуоттаах олохтооҕо Валерий Коротов уонна Н.М. Родионова аатынан Сунтаардааҕы оҕо дьоҕурун сайыннарар киин эбии үөрэхтээһин уһуйааччыта Галина Лидочен наҕараадаланнылар.

СӨ үөрэҕириитин сайдыытыгар, оҕону иитии-үөрэтии үлэтигэр, юнармия патриотическай хамсааһын сайдыытыгар тус кылаатын иһин “Феликс Александрович Поморцев аатынан юнармейскай мэтээл», Н.М. Родионова аатынан Сунтаардааҕы оҕо дьоҕурун сайыннарар киин эбии үөрэхтээһин уһуйааччытыгар Михаил Кириллиҥҥа туттарылынна.

1961-1993 сылларга Германия куораттарыгар уһулуччу көрдөрүүлээхтик сулууспалаабыттарын иһин Германия сэриитин бэтэрээннэрин общественнай хамсааһын группатын кыттыылаахтарыгар 75 сыллаах үбүлүөйдээх мэтээллэринэн Кириэстээх нэһилиэгиттэн Михаил Семенов, Дьаархан нэһилиэгиттэн Гаврил Трифонов, Кириэстээх нэһилиэгиттэн Валериан Усов наҕараадаланнылар.

Сунтаар улууһун олорор дьиэ коммунальнай хаһаайыстыбатын сайдыытыгар сүдү кылаатын, өр сыллаах таһаарыылаах үлэтин иһин Сунтаар улууһун Бочуотунай грамотатын уонна үрүҥ көмүс бэлиэни «Олорор дьиэ коммунальнай хаьаайыстыбата» СӨ судаарыстыбаннай унитарнай тэрилтэ Сунтаардааҕы филиалын бухгалтерыгар Марина Сторчакка уонна тэрилтэ Сунтаардааҕы филиалын кылаабынай экономиһыгар Алексей Григорьевка туттарылынна.

Сунтаар улууһугар оскуола иннинээҕи саастаах оҕону иитиигэ тус кылаатын иһин Сунтаар улууһун Бочуотунай грамотатынан уонна үрүҥ көмүс бэлиэнэн урбаанньыт, «Үнүгэсчээн» оскуола иннинээҕи саастаах оҕону көрөр-истэр тэрилтэ салайааччыта Валентина Петрова наҕараадаланна.

Сунтаар улууһун үөрэҕириитин сайдыытыгар үрдүк көрдөрүүлээх, оскуола иннинээҕи саастаах оҕолору иитии-үөрэтии үлэтигэр уһулуччулаах үлэтин иһин “Сунтаар улууһун үөрэҕириитин сайдыытыгар кылаатын иһин” Бочуотунай бэлиэ Сунтаардааҕы 2 №-дээх «Сардаана” оҕо уһуйаанын иитээччитигэр Алена Лукинаҕа туттарылынна.

Сунтаар улууһун үөрэҕириитин сайдыытыгар тус кылаатын, өр сыллаах бэриниилээх үлэтин иһин “Сунтаар улууһун үөрэҕириитин сайдыытыгар кылаатын иһин” Бочуотунай бэлиэнэн Сунтаар улууһун үөрэҕириитин салалтатын кылаабынай бухгалтера Розалия Никитина наҕараадаланна.

Сунтаар улууһун үөрэҕириитин сайдыытыгар үрдүк көрдөрүүлээх, оскуола иннинээҕи саастаах оҕолору иитии-үөрэтии үлэтигэр уһулуччулаах үлэтин иһин “Сунтаар улууһун үөрэҕириитин сайдыытыгар кылаатын иһин” Бочуотунай бэлиэ Сунтаардааҕы 1 №-дээх «Кыталык” оҕо уһуйаанын иитээччитигэр Айталина Семеноваҕа туттарылынна.

Спорт уонна чөл олох сайдыытыгар тус өҥөтүн, таһаарыылаах үлэтин иһин «Сунтаар улууһун спордун сайдыытыгар кылаатын иһин» Бочуотунай бэлиэнэн спорт бэтэрээнэ, самбоҕа спорт маастара Александр Потапов наҕараадаланна.

Сунтаар улууһугар уот ситимэ, энергетика сайдыытыгар тус кылаатын, өр сыллаах таһаарыылаах үлэтин иһин “Сунтаар улууһун промышленноһын сайдыытыгар кылаатын иһин” түөскэ кэтэр бэлиэ «Якутскэнерго» акционернай уопсастыба региональнай электрическэй ситим буровой установка 5 разрядтаах машиниһыгар Илья Бечеховка туттарылынна.

Сунтаар улууһугар оскуола иннинээҕи саастаах оҕону иитиигэ тус кылаатын иһин Сунтаар улууһун Аҕа баһылыгын грамотатынан урбаанньыт, «Амелия» оскуола иннинээҕи саастаах оҕону көрөр-истэр тэрилтэ салайааччыта Мария Алексеева, урбаанньыт, «Кэскил» оскуола иннинээҕи саастаах оҕону көрөр-истэр тэрилтэ салайааччыта Кэскил Ефимов, урбаанньыт, «Лунтик» оскуола иннинээҕи саастаах оҕону көрөр-истэр тэрилтэ салайааччыта Туйаара Соловьева уонна урбаанньыт, «Ромашка» оскуола иннинээҕи саастаах оҕону көрөр-истэр тэрилтэ салайааччыта Людмила Тертюхова наҕараадаланнылар.

Улуус Мунньаҕын депутаттарын 28-с уочараттаах сессиятын быһаарыытынан «Сунтаар улууһун Бочуоттаах олохтооҕо» ааттары иҥэрдилэр. Бочуоттаах ааттары улуус Аҕа баһылыга Анатолий Григорьев уонна Оройуон депутаттарын Сэбиэтин бэрэссэдээтэлэ Ульяна Попова туттардылар.

«Сунтаар улууһун Бочуоттаах олохтооҕо» ааттар улуус тыатын хаьаайыстыбата туруктаах буолуутугар өр сыллаах сыралаах үлэтин, культура уонна айылгы сайдыытыгар сүдү кылаатын иһин Маар-Күөл бочуоттаах олохтооҕугар, оһуокайдьыт, «Дархан этээччи» аат хаһаайыныгар Роман Ивановка, Сунтаар улууһун үөрэҕириитигэр үтүөтүн, үүнэр көлүөнэни иитэр-үөрэтэр үлэ сайдыытыгар өҥөтүн, педагогическэй үлэҕэ профессиональнай таһымҥа үрдүк көрдөрүүлээх өр сыллаах үлэтин иһин Сунтаардааҕы технологическай колледж директорын үөрэтэр үлэҕэ солбуйааччы Аграфена Ивановаҕа, улуус общественнай хамсааһынын сайыннарыыга таһаарыылаах үлэтин, гражданскай көҕүлээһин күүһүрэригэр тус кылаатын, бэтэрээннэри кытта үлэни ыытыыга төһүү күүс буолар өйөбүллээх үлэтин иһин Сунтаар нэһилиэгин бэтэрээннэрин сэбиэтин бэрэссэдээтэлигэр Люция Ивановаҕа, СӨ социальнай-экономическэй сайдыытыгар, олохтоох бэйэни салайыныы туруктаах буолуутугар үрдүк көрдөрүүлээх өр сыллаах үлэтин иһин Дьаархан нэһилиэгин баһылыгын солбуйааччытыгар Августина Тихоноваҕа иҥэрилиннилэр.

"Сунтаар улууһа (оройуона)" муниципальнай оройуон дьаһалтатын пресс-сулууспата.

Sakhaday.ru